從來我都無諗過燒肉係一樣西人咁難接受嘅食物
首先 我應該唔好再用我老公來做標準
因為經過八年嘅洗禮
佢已經係半個香港人
話說老爺奶奶黎到
我當然要獻技啦
出盡廚藝 燒味唔少得 香港之寶嘛🔥
第一晚整叉燒 明顯佢地都好鐘意
諗住過兩日再出法寶 用左足足48 小時餣燒肉
將豬皮用鹽出水又出水至全乾身
剩係燒個皮 都身水身汗
因為我用焗爐 未好掌握到溫度
結果兩老將最好食嘅脆脆皮切左出黎
我舊燒肉已偏瘦 中間無咩肥膏 但都係接受唔到
尷尷尬尬食左兩舊少少嘅肉
雖然我有少少失望 但我都好明白飲食文化呢家野
所以我都無咩所謂
奶奶叫強哥同我講唔好意思
又唔使嘅
因為我都好挑嘴 所以好明白食唔慣就係唔慣
我只係純粹驚訝原來燒肉係西人接受唔到
後來我問強哥
佢話的確豬嘅呢個部位西人唔會點食
因為肥膏同豬皮是好難接受
仲有一樣又係我估唔到 雞軟骨
咁好食都接受唔到🤪
但佢清晒囉⋯⋯
啊！
唔記得左佢只係一個染左金髮嘅港男😈
Search